Kerrie Tamatie en Eiervrug(brinjal) Smoor
2017-10-18- Course: Sous en Marinades
- Skill Level: Maklik
- Add to favorites
Average Member Rating
(4.5 / 5)
10 People rated this recipe
Related Recipes:
Heerlik saam mieliepap, kapokaartappels, stampmielies of bo oor worsrolletjies
.
1 groot eiervrug, geskil in groot blokkies gesny (plaas in bakkie kouewater)
3 groot tamaties, ontvel en opgesny in blokkies
2 groot uie, geskil en fyn opgekap
1 groot soet groenrissie – blokkies opgekap
6 knoffeltoontjies – geskil en gekneus
1 el kerriepoeier
1 tl asyn
2 el blatjang
80 ml kookolie
100 ml water
sout na smaak
(Om tamaties te ontvel)
Met ’n skerp mes maak ’n kruis aan die onderkant van die tamaties
Sit tamaties in ’n bak en gooi genoeg kookende water oor om te dek
Laat staan tot water afgekoel het, vryf die skil af en sny tamaties in blokkies
.
So gemaak:
Verhit kookolie en braai uie, soet rissie en knoffel tot geurig
Sprinkel kerriepoeier oor, gooi asyn by roer vinnig deur
Voeg eiervrug blokkies by, roerbraai oor lae hitte vir 5 minute
Voeg gekapte tamaties en blatjang by, gooi water oor, sout na smaak,
Plaas deksel op en prut vir 20 minute
Bedien warm, die sous kan ook lekker gevries word