APPELKOOSBOTTER OONDGEGEBAKTE SNOEK
2022-04-28Average Member Rating
(5 / 5)
2 People rated this recipe
Related Recipes:
In die oond net so lekker. Snoek sy eie unieke lekker smaak, met die lekker van hand eet saam brood en in spanning die grate uit te haal.vir die volgende happie heilsaamheid
So gemaak
± 1.5 kg snoek – ontdooi
3 suurlemoene
koppie appelkooskonfyt
2 el vars gemmer, fyn opgekap
6 knoffeltoontjies – 4 heel, 2 gekneus en fyn opgekap
fyngekapte roosmaryn – paar los vars takkies
fyngekapte tiemie – paar los takkies
botter
swartpeper na smaak
sout na smaak
Klad die snoek met kombuispapier droog tot die meeste water geabsorbeer is.
Sny 2 suurlemoene op in dik skywe, pak die bodem van jou oondpan uit
Rangskik knoffeltoontjies, kruie bossies tussenin.
Stip klontjies botter oral
Plaas die snoek oop met vel onder bo op die suurlemoene
Druk sap van 1 suurlemoen bo oor vis uit
Vryf vis met botter, fyn gemmer en knoffel
Skep konfyt bo oor, versprei eweredig
Sprinkel met vars gekapte kruie, sout en peper na smaak
Trek oondpan met foelie oor.
Bak in 180°C voorverhitte oond vir so 30 minute
Verwyder foelie, bak droog soos verkies tot goudbruin.
Bedien dadelik.
Knoffelbroodjies, patats, mango atchar