Registreer Nou!
Teken in
Welkom by Boerekos.com
Sondag, April 20 2014 @ 08:28 VM CDT

WELKOM BY BOEREKOS! DIE SUID AFRIKAANSE RESEPTE WERF.

KOM KOOK EN GENIET SAAM MET ONS!

Kom kook saam met ons! Ons is hier bedrywig met die bou van 'n EGTE SUID AFRIKAANSE RESEPTE WERF - IN AFRIKAANS GESKRYF.

Sluit gerus aan en neem deel. Voeg julle resepte by - dis maklik en gratis om deel te neem. Onthou net dat bestanddele met twee d's gespel word. Die spesery is mosterd, anders as die van Mostert! Min genoeg om te onthou!

Honderde lekker resepte in Afrikaans!.

 Watch this space for our new South African Recipes site in English!

Groete,

BOEREKOS.

Vertoon Drukbare Weergawe

Pampoen Onbyt Muffin



3 kop koue gaar pampoen ( nie waterig nie)
halwe kop bruinsuiker
3 groot eiers
1 kop Nutty Wheat-meel
halwe kop muesli onbytgraan
2 tl bakpoeier
knypie sout
knypie fyn pypkaneel
halwe tl Koeksoda
2 el sagte botter


*gemengde kaneelsuiker

Druk oortollige water van pampoen af

In lekker groot mengbak gooi bruinsuiker en sagte botter, verroom en gooi eiers een vir een by, klits tot romerig en vou die muesli in, nou die koue pampoen en meng goed deur.

In 'n ander mengbak gooi saam: nutty wheat meel met bakpoeier en sout, fyn pypkaneel en koeksoda, meng deur.
Vou by die pampoenmengsel bietjies, bietjies by tot mooi glad deurgemeng
Skep in gesmeerde muffinpannetjies

Bak +-15 minute by 180C tot gaar, toet met pen
Sodra uit die oond kom sprinkel met kaneelsuiker
Vertoon Drukbare Weergawe

Kondensmelk fudge

Die beste , flopvrye resep ooit, sal nooit weer ander een probeer nie... Sukses Fudge !!

400g suiker
45ml water
55ml botter
30ml gouestroop
1 blik kondensmelk
1 tl vanielje

Meng die suiker en water in 'n swaarboomkastrol en roer dit oor lae hitte totdat die suiker opgelos is.
Maak seker dat daar geen suikerkristalle teen die kant van die kastrol vassit nie. Indien dit wel gebeur, borsel dit af met 'n kwassie wat in warm water gedoop is.
Voeg die botter en gouestroop by die suikerwater en roer dit totdat die botter gesmelt is. Voeg die kondensmelk by die mengsel en roer dit aanhoudend totdat dit kookpunt bereik.
Kook die mengsel ongeveer 25 min lank tot by die sagtebalstadium. Roer dit af en toe om aanbrand te voorkom.
Laat die mengsel afkoel totdat dit louwarm is en voeg die vanieljegeursel by. Klop die mengsel totdat dit dik en romerig is. Giet die suikermengsel in 'n gesmeerde pannetjie.
Hou die kastrol skuins sodat die mengsel vrylik kan uitloop. Moet nie skud of die mengsel uitskraap nie, want dan kan dit versuiker. Laat die suiker mengsel in die pannetjie afkoel voordat dit in blokkies gesny word.

*Dit moet heeltemal koud wees voor dit gesny word, anders kan dit verbrokkel.

* Kondensmelk fudge- Rhea Scheepers via Facebook Boerekos Kookengeniet*
Vertoon Drukbare Weergawe

Warm Aartappel - Spek Slaai



6 aartappels - sag gekook, nog lou warm, afgeskil en klein blokkies gesny
halwe pakkie spek lekker bros gebraai en in stukke gesnipper
halwe koppie cheddar kaas - in klein blokkies gesny
3 knoffeltoontjies - gekneus en fyn gemaak
sout en gemaalde swartpeper na smaak
koppie slaaisous van jou keuse
gesnipperde spring onion - vir garneer


Gooi aartappelblokkies in mengbak, meng knoffel en kaas blokkies saggies deur, sout en peper na smaak
In 'n kastrol, maak jou slaaisous warm tot net voor kookpunt
Giet sous oor jou aartappels, vou liggies in
Gooi gesnipperde spekkies by, roer saggies deur
Sprinkel met fyn grasuie, bedien terwyl nog warm
Vertoon Drukbare Weergawe

Boerrie~Omelet



Omelet: (per persoon)

3 eiers, geklits
bietjie melk
sout & peper

vulsel:
Boerewors - in happie grootte gesny (so groot stuk soos jy verkies ~ hang af hoe honger jy is vanmore...:)
bietjie mozzarella kaas - gerasper
bietjie cheddar kaas - gerasper
sout en vars swart gemaalde peper
2 dik tamatie skywe
botter

Maak bietjie botter warm in pan, braai wors stukke tot goudbruin
terwyl jy aan die eenkant van jou worspan die tamatieskywe braai,
laat die sappies met mekaar gesels
sout en peper na smaak

Klits eiers, bietjie melk, sout en peper liggies saam
Maak jou omelet pan lekker warm met botter
Gooi eiermengsel in die warm gebotter pan
Baie versigtig, lig die kante van die omelet en laat die ongekookte eier onder die gebakte eier in loop.
Bak met deksel op, totdat al die eier amper gestol het.
Sprinkel die hele omelet met mozzarella kaas
Skep dadelik warm gebraaide wors, en gebraaide tamatie skywe in die middel, sprinkel cheddar en bietjie ekstra mozzarella kaas oor. Vou die omelet dadelik toe.
Sit deksel op, en laat rus vir 1 minuut voor opdien
Sit warm voor met roosterbrood

Vertoon Drukbare Weergawe

Romerige aartappel en avo slaai

500g aartappels - met skil aan en amper sag gekook in soutwater
1 bottel slaaisous van jou keuse
1 lekker sag en ryp avo
sap en bietjie gerasperde skil van een medium suurlemoen
gemaalde swart peper na smaak
3 knoffelhuisie platgedruk
1 tl witsuiker
100 ml room
bossie grasuie - fyn gesnipper
vars pietersielie - gekap

Sny die aartappels in blokkies en meng liggies met die slaaisous tot mooi klam en nat is , terwyl die aartappels nog warm is.
Ontpit die avokado, skep die vrug uit , nie te naby aan die skil
In jou voedsel verwerker sit nou die avokado met die suurlemoen sap -skil, meng vinnig vir paar sekondes
Geur met sout, peper na smaak, knoffel, suiker by, meng tot mooi gladde mengsel, bietjie melk kan bygaan om glad te maak
Vou die grasuie en pietersielie by, meng deurmekaar
Vou nou avo puree - sous met die aartappel blokkies, skep in 'n mooi glasbak, bedek met clingwrap , laat staan vir minstens 2 ure in yskas.
Vertoon Drukbare Weergawe

Hoender en Sampioen Eenpan


1kg hoender porsies
1 tl aromat
1 tl pietersielie
bietjie botter en olie vir braai
1 pakkie sampioene - gekerf
medium fyn ui gekap
4 knoffeltoontjies - gekneus
swartpeper en sout na smaak
cheddar kaas gerasper
groot pak simba tjips - enige geur
*witsous

*Bestanddele vir witsous:
2 el Botter of Margarine
2 el Koekmeelblom
knypie Sout
knypie peper
2 koppies melk

Smelt die botter in ´n kastrol oor lae hitte of oor kookwater.
Roer die koekmeelblom, gemeng met sout en pepper, geleidelik by die gesmellte botter tot dit glad is.(gebruik ´n houtlepel)
Voeg die melk drupsgewys by en roer deurentyd tot die sous dik en glad is.


Metode, nou so gemaak:

Kook die hoender met pietersielie, en aromat tot sag en sappig, laat effe afkoel,dreineer sous (*kan gebere word vir vleisaftreksel vir ander disse) en vlok die vleis in lekker groot bak
In 'n ander kastrol, meng bietjie botter en olie, maak warm,en braai uie, knoffel en sampioene tot smaaklik gaar
Meng hoender en uie mengsel goed deur, geur met sout en peper na smaak

Stel oond op 180gr


Maak die simba tjips fyn.
Skep dun lagie witsous onder in bak, sprinkel met bietjie kaas, skep helfe van hoender mengsel oor, en dan bietjie fyn tjips
gevolg deur nog bietjie kaas, en gooi res van hoender oor
Skep res van witsous eweredig oor alles
Bedek goed met tjips krummels
Bak in oond vir 30 min tot goudbruin, sit lekker warm voor

Kom Ons Kliek! - Ontmoet jou Pasmaat hier!

 

 

SOEK NA 'N RESEP

Gebruikersfunksies





Nog nie 'n rekening? Registreer dan as 'n Nuwe Gebruiker
Jou wagwoord vergeet?

Opsitkers

Afrikaans Dating

Advertensie

WAT MAAK ONS HIER?

LEKKER KOS!

WIE IS AANLYN?

Besoekers: 36

WAT IS NUUT?

ARTIKELS

Geen nuwe artikels

KOMMENTARE laaste 2 dae

Geen nuwe kommentaar

Links laaste 2 weke

No new links

Media Gallery last 7 days

No new media items

RESEPTEBOEKE

Bestel jou Afrikaanse Resepteboeke hier! Klik op 'n Boek om te bestel



Maklike maaltye vir babas en kleuters

Smul Sonder Sukkel

Kook 'n Storm Los

Sarie 5

Huisgenoot Top 500 Wenresepte

Die 4x4 Safari kookboek

Klein Kook en Geniet

Kook met Blikkies en Pakkies

Volledige Suid Afrikaanse Kookboek

Potjiekos Wenners

Kook en Geniet