Ek gee met graagte die resep, maar julle moet net maak soos ek dit hier vir julle gee. Die vulsel maak ek dubbel, en die kors is enkel.


Vulsel:

2 blikke condensmelk
4 eetlepels botter of maragine
4 eiers geskei
4 eetlepels koekmeel ( hoogvol)
8 blikke water
12 eetlepels suiker
6 eetlepels mazeina ( hoogvol)
2 Proppies vanilla essens..

Gooi die condensmelk en 6 blikke warm water, 4 eetlepels botter en 12 eetlepels suiker in groot kastrol.
Laat dit goed warm word, maar roer dit aanhoudend anders brand dit vas. Meng nou die 4 eetlepels koekmeel, 6 eetlepels mazeina
saam met die orige 2 blikke water. Sit die eiergele ook by asook die 2 proppies valilla. Ek klits dit alles saam, dan maak dit nie klonte. Klits die eierwitte styf en hou dit eenkant.
Sit dit by die die condensmelk mengsel en roer aanhoudend tot dit dik raak. Laat dit afkoel en vou dan die styf geklitste eierwitte by.

Kors:

1½ koppie koekmeel
1 hoogvol teelepel bakpoeier
1 eetlepel suiker
½ koppie botter
1 eier
sout na smaak.

Maak aan met melk soos slap deeg. Smeer pan goed en druk met vurk in pan. Nie te slap nie.

Ek maak dit altyd in my groot oondpan. Bak dit op 160 grade so vir 30 min. Kyk maar altyd, jy sal sien as dit bruin raak langs die kante.
Laat dit goed afkoel, moet gladnie meer warm wees, dan strooi jy kaneel bo-oor.

Dit is n treffer, ek bak dit al vir 37 jaar. Voorspoed, en laat weet!!!!!!!!!!!!!!!!!!!!! lekker aand verder.
Gertie.

2 KG HOENDERPORSIES (WANT ALMAL EET MEER)
1 BOTTEL TAMATIESOUS
1 E WORCHESTERSOUS
1 KOPPIE ASYN (250 ml)
HALF KOPPIE KOOKOLIE (125ml)
1 GROOT UI FYNGEKAP

SO MAAK MENS
MENG DIE SOUS BESTANDELE
MARINEER HOENDER 8-12 URE IN DIE SOUS
STROOP MARINADE AF EN BRAAI TOT AMPER GAAR OOR MATIGE KOLE
KOOK INTUSSEN SOUS VIR SO 10 MINUTE EN PLAAS DAN DIE HOENDERPORSIES IN DIE SOUS EN KOOK VIR NOG 20 - 30 MINUTE
HAAL UIT EN GEUR DIE PORSIES NA SMAAK MET SOUT ,PEPER EN STERK GOED AS JY WIL
BEDIEN SAAM MET RYS EN VARS BROOD EN VEE DIE POT UIT MET NOG BROOD
SLAAI KAN JY MAAK MAAR OP EIE RISIKO WANT DIT GAAN MORS
GENIET

Maklik en vinnig vir die wat nie tyd het om ure lank te kook nie

Die ouer-garde wat Peri-Peri Hoender onthou soos dit in die dae van die Portugese in Mozambique voorgesit is, sal hierdie resep geniet. Dit is die Ware Jakob!

1 Heel hoender (+- 1.8kg)

Portugese Olyfolie

MARINADE:
6 Knoffelhuisies grof gekap
Stukkie vars gemmer (sowat 5cm lank) gekap
150ml Olyfolie
Fyn gerasperde skil van 'n halwe suurlemoen
150ml vars suurlemoensap
2 Rooi vars rissies, gekap met pitte en al. of 'n eetlepelvol droe 'Chilli-Flakes' (Vars is beter)
Handvol gekapte pietersielie

SO MAAK MENS:
1. Plaas die heel hoender met bors na onder op snyplank.
2. Met 'n sker of skerp mes, sny langs die ruggraat oop. Sny die ruggraat uit.
3. Draai die hoender om en vlek heeltemal oop. Druk effens plat.
4. Plaas die hoender in 'n groot plastiese sak.
5. Sit die knoffel, gemmer, 150ml olyfolie en suurlemoensap in 'n 'food processor' en meng goed. Sit die rissie en pietersielie by. 6. Gooi die marinde by die hoender en werk dit deeglik in. Bind die sak toe en laat (verkieslik) oornag staan in 'n yskas, of marineer vir ten minste vyf ure lank.
7. Verwarm oond tot 200 grade Celsius.
8. Sit 'n bietjie olyfolie in 'n braaipan. Haal die hoender uit en plaas in die pan. Borsel met olyfolie. Gooi die oortollige marinade weg. Gooi sout op na smaak. (Ek gebruik growwe sout).
9. Plaas pan in die oond. Borsel nou en dan van die pan-sappe oor en braai in die oond tot gaar.
10. Haal uit die oond en skep uit in groot bord.
11. Meng sowat kwart-koppie suurlemoensap met kwart-koppie olyfolie en verf oor die hoender.
12. Dien op met suurlemoen skyfies en chips of Portuguese gebraaide rys. Heerlik!

.

 

 

Benodighede:

1 Kop heuning
1/4 kop soya sous
glanseerde kersies..( kan vir 4 ure in brandewyn/whiskey laat le week voor jy hom op sosatie gebruik)
paar pakkies lang  repies spek

So gemaak:

Ryg die spek en kersies beurtelings soos 'n korsentina, op die sosatie stokkie. Sit al die sosaties in 'n bak, meng heuning en soya goed saam,
Gooi oor sosaties, .Kan dadelik gebruik word, of laat dit 'n paar uur of oornag staan. Oor stadig kole en draai gereeld dat hy nie brand nie.   of   bak in gebotterde warm pan tot crispy, bedruip met heuning en soya sous..

Al die Mieliebrood resepte bevat koekmeel. Hierdie een is sonder meel. Dit is 'n fantastiese resep. Ek gebruik 'n lee 1kg koffieblik, en dit werk uitstekend. Gebruik 'n bliksnyer om die koffieblik se rand te verwyder.

500ml gemaalde vars mieliepitte (die mielies moet nog melkerig wees)
2 eiers
2 teelepels bakpoeier
100ml suiker
100ml gesmelte botter

Maak so:
1.  Meng alles deeglik saam.
2.  Gebruik 'n le? 1kg koffieblik of iets soortgelyk.  Sny die rand af met 'n bliksnyer om te verseker dat die blik se rand glad is.  Smeer die blik met botter of 'Spray and Cook'
3.  Plaas die gemaalde mielies in die blik.
4.  Gebruik 'n ho? kastrol (hoog genoeg om die koffieblik te vat en 'n deksel te kan opsit) en vul 1/3 vol met water.  Bring tot kookpunt.
5.  Terwyl die water opwarm, plaas twee lae foelie, tinfoil, oor die blik waarin die mieliemengsel is en bind goed vas met tou, sodat water nie kan inkook nie.
6.  Plaas die blik met mielies in die kookwater.  Sit die pot se deksel op en kook vir 2 ure.  Voeg water by indien nodig.
7.  Haal die mieliebrood na twee ure uit (versigtig on nie te brand nie) en haal die foelie af.
8.  Plaas in 'n voorverhitte oond (180 grade celsuis) vir sowat 20 minute om effens te droog.
9.  Sny in dik snye en eet warm met botter.  (Verkieslik plaasbotter).