Geurige varkdikrib

15 ml olie
500 g varkdikrib, ontbeen en in blokkies gesny
1 groot ui, gekap
1 knoffelhuisie, gekneus
15 ml gerasperde gemmerwortel
15 ml matige kerriepoeier
1 heel kruienaeltjie
1 lourierblaar
3 kardemompeule
5 ml gekneusde koljandersaad
1 stuk pypkaneel
410 g pynappelringe
375 ml vleisaftreksel
30 ml wit asyn
5 ml sout
Verhit die olie en verbruin die vleis daarin. Voeg die ui, knoffel en gemmer by en soteer dit totdat die ui deurskynend is. Voeg die kerrie en speserye by en soteer dit 2 minute lank. Dreineer die pynappelringe en behou die vloeistof. Rangskik die pynappel op die vleis. Verhit die pynappelsap, vleisaftreksel, asyn en sout saam en giet dit oor die vleis. Plaas die desel op en stowe dit 1 tot 1 uur 30 minute lank, of totdat die vleis gaar is.




"Kook met Kruie en Speserye"