Snoek in Foelie

Ek het altyd gesidder as iemand my nooi vir n snoekbraai - veral in die Kaap want hulle maak die vreeslikste souse met konfyt en wat nog alles. Ek het egtr n manier gevind on snoek te braai wat baie lekker is en selfs die kapenaars erken dat dit die lekkerste snoek is wat hulle nog geëet het.
Lê die snoek met sy velkant op tinfoelie, bo op n rooster geplaas met n randjie gevou sodat die sous nie kan afloop nie. Plaas die rooster op medium kole en gooi n halwe botteltjie "Knorr" se franse slaaisous oor die snoek. Wanneer die slaaisous deur die snoek kook, draai dit om em laat dit effens bruin braai. Draai terug en gooi die ander helfte van die sous op die snoek en herhaal soos die 1ste keer. Haal af en geniet saam met wat jy wil.